التوثيق
من التثبيت لحد موقع شغال في دقائق.
1. التثبيت
من لوحة ووردبريس: المظهر ← قوالب ← إضافة ← رفع قالب ← اختار ملف summary.zip ← تثبيت ← تفعيل.
2. تفعيل الترخيص
افتح Summary ← الترخيص، وحط كود الترخيص من حسابك على متجر Media Serve. الترخيص لموقع واحد، ومش مطلوب على مواقع التطوير المحلية.
3. استيراد ديمو
افتح Summary ← استيراد الديمو، اختار الديمو واضغط استيراد. في نافذة الاستيراد:
- امسح محتوى الديمو السابق: بيشيل المحتوى التجريبي القديم بس.
- حافظ على بيانات موقعي: مش بيغيّر الاسم واللوجو والقوائم والودجات والسوشيال والأكواد والإعلانات — التصميم بس.
- استورد المقالات التجريبية: لو شلتها الشكل هيتطبق على مقالاتك الحقيقية.
وزرار “امسح محتوى الديمو” بيشيل كل المحتوى التجريبي بضغطة، ومقالاتك الحقيقية مش بتتلمس.
4. الصفحة الرئيسية
Summary ← الصفحة الرئيسية: أضف أقسام، وجوه كل قسم بلوكات. اسحب لإعادة الترتيب، واضغط على البلوك لتعديله، وافتح “التصميم والظهور” للون والعنوان والخلفية. من فوق تقدر تحمّل تخطيط أي ديمو، وتعدّل أسماء وألوان الأقسام.
5. الودجات
المظهر ← الودجات: كل ودجات القالب اسمها بيبدأ بـ “Summary —”. حدد بلد الموقع ومدينته من Summary ← الإعدادات ← عام، والذهب والعملات والطقس والصلاة هياخدوا منها القيم الافتراضية.
6. مصادر البيانات
- العملات والذهب: مصدر مجاني مفتوح (CC0) بيتحدث مرة في اليوم في الخلفية، ومعاه نسخة احتياطية داخل القالب.
- الطقس: MET Norway (CC BY 4.0) عن طريق السيرفر بتخزين مؤقت.
- البورصة المباشرة: ويدجات TradingView الرسمية، بتتحمل لما توصل للشاشة بس.
- مواقيت الصلاة: محسوبة جوه القالب من غير أي خدمة خارجية.
7. السرعة
من Summary ← الإعدادات ← السرعة: إيقاف الإيموجي وwp-embed، وتحميل صورة المقال مبكرًا، وتخزين الخطوط محليًا. لو بتستخدم LiteSpeed أو WP Rocket القالب متوافق معاهم.